სსიპ “გარემოს ეროვნულ სააგენტოს”, სსიპ “გარემოსდაცვითი ინფორმაციისა და განათლების ცენტრს” და “საქართველოს გარემოსდაცვით მმართველთა ასოციაციას“ (GEMA) შორის ურთიერთთანამშრომლობის მემორანდუმი გაფორმდა.

2026 წლის 6 აგვისტოს, საქართველოს გარემოს დაცვისა და სოფლის მეურნეობის სამინისტროს სსიპ “გარემოს ეროვნულ სააგენტოს”, სსიპ “გარემოსდაცვითი ინფორმაციისა და განათლების ცენტრს” და “საქართველოს გარემოსდაცვით მმართველთა ასოციაციას“ (GEMA) შორის ურთიერთთანამშრომლობის მემორანდუმი გაფორმდა.

ეს თანამშრომლობა მნიშვნელოვანი ნაბიჯია გარემოსდაცვითი მმართველების პროფესიული განვითარების, ცოდნის გაძლიერებისა და გარემოსდაცვითი კანონმდებლობის ეფექტიანი განხორციელების მიმართულებით.

აღნიშნული პარტნიორობა ხელს შეუწყობს საჯარო და კერძო სექტორებს შორის თანამშრომლობის გაძლიერებას, საუკეთესო პრაქტიკის გაზიარებასა და პროფესიული სტანდარტების განვითარებას გარემოსდაცვით სფეროში საქართველოში.