ლევან ოზბეთელაშვილი

ლევან ოზბეთელაშვილი არის გარემოსდაცვითი კონსულტანტი, რომელსაც მრავალწლიანი გამოცდილება აქვს გარემოსდაცვითი რეგულაციების, გარემოზე ზემოქმედების შეფასებისა და მსხვილი ინფრასტრუქტურული პროექტების გარემოსდაცვითი მართვის მიმართულებით.

ამჟამად, იგი უზრუნველყოფს გარემოსდაცვით საკონსულტაციო მომსახურებას კერძო სექტორის მრავალ კომპანიასთან. წარმოადგენს გარემოსდაცვით კონსულტანტს კომპანიაში „ანაკლიის საზღვაო ნავსადგური“, ასევე არის მსხვილი ინფრასტრუქტურული პროექტის გარემოსდაცვითი ოფიცერი, რომელსაც ახორციელებენ კომპანიები „Maqro Construction“ და „GÖÇAY İNŞAAT TAAHHÜT VE TİCARET ANONİM SİRKETİ“.

ლევანი წლების განმავლობაში მუშაობდა საქართველოს გარემოს დაცვისა და სოფლის მეურნეობის სამინისტროს გარემოსდაცვითი შეფასების დეპარტამენტში, სადაც ასევე ხელმძღვანელობდა სკოპინგის განყოფილებას, აქტიურად მონაწილეობდა გარემოზე ზემოქმედების შეფასებისა და გარემოსდაცვითი ნებართვების პროცესებში.

მას აქვს გამოცდილება ბიომრავალფეროვნებისა და ბუნების კონსერვაციის მიმართულებით და მონაწილეობა აქვს მიღებული სხვადასხვა საერთაშორისო და ადგილობრივ კვლევით პროექტებში.

ლევანი ფლობს ილიას სახელმწიფო უნივერსიტეტის ეკოლოგიის ბაკალავრისა და სიცოცხლის მეცნიერებების მაგისტრის ხარისხს და გავლილი აქვს არაერთი საერთაშორისო პროფესიული ტრენინგი გარემოსდაცვითი უსაფრთხოების, სტრატეგიული გარემოსდაცვითი შეფასებისა და საერთაშორისო გარემოსდაცვითი სტანდარტების კუთხით.