სოფო ჭიჭინაძეს

სოფო ჭიჭინაძეს ორგანიზაციული მართვისა და მენეჯმენტის მიმართულებით მრავალწლიანი სამუშაო გამოცდილება აქვს. მას ნამუშევარი აქვს მმართველ პოზიციებზე სახელმწიფო, საერთაშორისო და არასამთავრობო ორგანიზაციებში. იგი წლების განმავლობაში მუშაობდა გარემოსდაცვითი საერთაშორისო პროექტების ადმინისტრირებისა და მართვის მიმართულებით.

სოფო იყო ორგანიზაცია „Georgia’s Environmental Outlook (GEO)“-ის თანადამფუძნებელი და გამგეობის თავმჯდომარე, სადაც წლების განმავლობაში აქტიურად იყო ჩართული ორგანიზაციულ მართვასა და პროექტების კოორდინაციაში. GEO წარმატებით ახორციელებდა საერთაშორისო დონორების მიერ დაფინანსებულ პროექტებს, როგორებიცაა UNDP, UNECE, USAID, GIZ, OSCE, EU, EBRD, KfW, SIDA, CNF და სხვა საერთაშორისო პარტნიორები.

სოფო ჭიჭინაძეს აქვს მმართველ პოზიციებზე მუშაობის გამოცდილება საჯარო სექტორშიც. იგი საქართველოს გარემოს დაცვისა და სოფლის მეურნეობის სამინისტროს სსიპ „გარემოსდაცვითი ინფორმაციისა და განათლების ცენტრში“ ხელმძღვანელობდა ადმინისტრაციულ დეპარტამენტს, ასევე ჩართული იყო ორგანიზაციულ განვითარებასა და პროექტების მართვაში. მანამდე კი, წლების განმავლობაში, იგი მუშაობდა ევროპის უსაფრთხოებისა და თანამშრომლობის ორგანიზაციის (OSCE) პროექტში „ორჰუსის ცენტრი საქართველოში“ ადმინისტრაციულ ოფიცრის პოზიციაზე, სადაც ასევე აქტიურად მონაწილეობდა გარემოსდაცვითი ინიციატივების განვითარებასა და განხორციელებაში.

სოფო ჭიჭინაძეს დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი. ასევე, იგი ფლობს საქართველოს საზოგადოებრივ საქმეთა ინსტიტუტის (GIPA) სახელმწიფო მართვის მაგისტრის (MPA) ხარისხს. საერთაშორისო პროგრამის NUFFIC ფარგლებში, მას გავლილი აქვს პროფესიული კურსი ნიდერლანდებში — „პროექტების მართვა და ადმინისტრირება“. მონაწილეობა აქვს მიღებული სხვადასხვა საერთაშორისო პროგრამებში.